Алматыда автобус дүкенге соғылды. Жол апаты Мақатаев пен Сейфуллин көшелерінің қиылысында болған, деп хабарлайды Sanur.kz тілшісі.
Апат салдарынан ір адам қаза тауып, 16 адам зардап шекті. Жол-көлік оқиғасына қатысты қылмыстық іс қозғалып, тиісті сараптамалар тағайындалды.
«Бұл жол-көлік оқиғасы Алматының Алмалы ауданында 14:20-да болған. Алдын ала мәліметтер бойынша, KIA маркалы көлік жүргізушісі Мақатаев көшесін оңтүстік бағытта кесіп өтіп, «City bus» ЖШС жеке тасымалдаушысы қызмет көрсететін 18-бағыттағы автобуспен соқтығысқан, ол кейіннен кедергіге соқтығысқан. Оқиға салдарынан автобустың 16 жолаушысы медициналық көмекке жүгінді, тағы бір жолаушы оқиға орнында қаза болды», – деп хабарлады полиция.