Орталық сайлау комиссиясы Қазақстандағы Мәжіліс пен мәслихаттар сайлауына халықаралық байқаушыларды аккредиттеу бойынша жұмысты жалғастырып жатыр, деп хабарлайды Sanur.tv.
ОСК хатшысы Мұхтар Ерманның айтуынша, Сыртқы істер министрлігіне аккредиттеуге үш шет мемлекет пен екі халықаралық ұйымнан 12 байқаушы жіберілген. Оның ішінде Корея Республикасынан, Қырғызстаннан және Таиландтан – бір үміткерден, ТМД-дан бақылаушылар миссиясынан – жеті байқаушыдан, Демократиялық институттар және адам құқықтары жөніндегі бюродан (ЕҚЫҰ) екі байқаушыдан тіркелген.
Сондай-ақ ол ЕҚЫҰ/ДИАҚБ-ның бұрын аккредиттелген екі өкілі байқауға қатыса алмайтынын айтты. Осыған байланысты миссияның құрамына өзгерістер енгізу қажет.
20 қаңтардан бері Орталық сайлау комиссиясы үш шет мемлекет пен екі халықаралық ұйымнан 62 байқаушыны тіркеді.
Бұған дейін Орталық сайлау комиссиясы Қазақстан Республикасы Парламенті Мәжілісі депутаттарының кезектен тыс сайлауына Жалпыұлттық социал-демократиялық партиясының партиялық тізімін тіркеген болатын.
Елімізде тіркелген жеті саяси партияның барлығына сайлауға қатысуға рұқсат берілді. Мәжіліс депутаттығына 283 кандидат партиялық тізім бойынша, 609-ы мажоритарлық жүйе бойынша ұсынылды. Барлық деңгейдегі мәслихаттар депутаттығына кандидаттар арасында 119 партиялық тізім (1471 адам), мажоритарлық жүйе бойынша 11844 кандидат бар.
Қазақстанда 19 наурызда Мәжіліс депутаттарының кезектен тыс сайлауы өтеді. Дәл осы күнге мәслихат депутаттарын сайлау белгіленді.