Мемлекет басшысының тапсырмасы бойынша үш ауысымды оқытуды жою және қалалық пен ауылдық мектептер арасындағы айырмашылықты азайту мақсатында Қазақстанда «Жайлы мектеп» ұлттық жобасы іске асырылуда, деп хабарлайды Sanur.kz тілшісі
Жоба бойынша 2024-2025 жылдары 740 мың оқушы орны бар 369 мектеп ашу жоспарланған. Биылғы 1 қыркүйекке дейін 98 мектеп, 2024 жылдың соңына дейін 110 мектеп, ал қалғандары 2025 жылдың соңына дейін ашылады.
Айта кетейік, Түркістан облысында «Жайлы мектеп» ұлттық жобасы аясында 63 мектеп салу жоспарланған. Оның ішінде 2023-2024 жылдары 29 мектептің құрылысын жүргізу көзделген.