Өткен айда әлемде коронавирустан 10 мыңдай адам қайтыс болған. Және де дүниежүзінің 50-ге жуық елінде осы вирустан науқастанып ауруханаға түскендер саны 42 пайызға өсіпті, деп хабарлайды Sanur.kz qazaqstan.tv арнасына сілтеме жасап.
Мұны Женевада өткен баспасөз маслихатында Дүниежүзілік денсаулық сақтау ұйымының басшысы мәлімдеді.
Ал Испания денсаулық сақтау министрлігі елдің барлық аумағындағы медициналық мекемелер мен ауруханаларда маска тағуды міндеттейтін бұйрық шығаратынын хабарлады. Өткен аптада респираторлық аурулар мен коронавирустың тарауына байланысты бұл корольдіктің бірнеше провинциясы госпитальдерде медициналық маска тағуды талап ететін ереже қабылдады.
Солардың қатарында Каталония мен Валенсия бар. Мадридтегі үкіметтің мәлімдеуінше, бұл ереже денсаулығы нашар адамдарды қауіпті инфекциялардан қорғау үшін қажет болып отыр.