Қазақстанның бірінші ракеткасы Александр Бублик ATP 250 Astana Open турнирінің ширек финалына шыға алмады, деп хабарлайды Sanur.kz ақпарат агенттігі.
Александр екінші айналымда әлемдік рейтингіде 58-орында тұрған аустриялық Себастьян Офнерден 4:6, 2:6 есебімен жеңіліп қалды.
Енді Себастьян Офнер 1/4 финалда өз отандасы Доминик Тиммен кездеседі.
Теннисшілер осымен бесінші рет ойнағалы жатыр. Әзірше Доминик Тим 3-1 есебімен алда тұр.
Ширек финалдық қалған матчтарда келесі теннисшілер ойнайды:
-
Таллон Грикспур (Нидерланд) – Себастьян Корда (АҚШ);
-
Иржи Легечка (Чехия) – Хамад Медьедович (Сербия);
-
Адриан Маннарино (Франция) – Юрий Родионов (Аустрия).
Ал жұптық сында Александр Недовесов жартылай финалға бір қадам жетпей тоқтады. Қазақстандық теннисші эквадорлық Гонсало Эскобармен бірге 1/4 финалда Ариэль Беар (Уругвай)/Адам Павласекке (Чехия) 3:6, 6:4, 5:10 есебімен есе жіберді.