Қазақстандық каратэші Софья Берульцева Азия ойындарының чемпионы атанды. Бұл туралы Sanur.kz ақпарат агенттігі хабарлайды.
Әйелдер арасында +68 келі салмақта сынға түскен отандасымыз финалда Арика Гурунгпен (Непал) кездесті.
“Кездесу басынан белсенді қимылдаған Берульцева қарсыласына еш мүмкіндік берген жоқ. Қазақстандық спортшы 3-0 есебімен айқын жеңіске жетті”, – деп хабарлайды туризм және спорт министрлігі.
Берульцова финалдық жекпе-жектен кейін өз әсерін бөлісті.
“Азия ойындарына алтын медаль алу үшін келдім. Жоспар орындалды. Бұл біздің команданың жеңісі”,- дейді спортшы қыз.
Бұған дейін каратэші Данияр Юлдашев Азия ойындарының күміс жүлдегері атанды.
84 келіге дейінгі салмақта сынға түскен отандасымыз финалда малайзиялық қарсыласына есе жіберіп, күміс медаль иеленді.