Бүгін МСАК бойынша Алматы декларациясының 45 жылдығына, МСАК бойынша Астана декларациясының 5 жылдық мерейтойына және ДДҰ-ның 75 жылдық мерейтойына арналған МСАК бойынша Жаһандық конференцияның шеңберінде МСАК трансформациясы және Астана декларациясының қорытындыларын талқылау тақырыбында панельдік сессия өтті, деп хабарлайды Sanur.kz.
«Қазақстан адамдардың денсаулығын нығайту және сақтау саясатын ұстанады. Бұл біздің басты басымдығымыз, өйткені МСАК біздің елмен байланысты. Бізде ел басшылығына жоғары саяси қолдау бар. Біздің басты бағыттарымыздың бірі – МСАК-ты жетілдіру», – деді ҚР Денсаулық сақтау министрі Ажар Ғиният форумға қатысушылардың алдында сөйлеген сөзінде.
Ол «біз инфрақұрылымды жақсартуымыз керек және үлкен инвестиция қажет және біз осы бағытта жұмыс істеп жатырмыз» деп атап өтті. Қазіргі уақытта Қазақстанда МСАК-ты қаржыландыру деңгейі 56% -ды құрайды, болашақта ол 60% – ға дейін ұлғаюы тиіс.
Сондай-ақ, А.Ғиният арнайы құрылған пациенттерді қолдау қызметтерін жүргізетін МСАК, профилактикалық медицина, пациенттің құқықтары туралы белсенді түсіндіру жұмыстарын жүргізетін қоғамдық ұйымдар деңгейінде қауымдастықтармен, халықтың нысаналы топтарымен жұмыс туралы айтып берді.
Наташа Аззопарди-Мускаттың айтуынша, ДДҰ ЕӨБ ел саясаты және денсаулық сақтау жүйелері бөлімінің директоры МСАК-ты цифрлық шешімдермен қамтамасыз ету және пациенттерді осы құралдарды қолдануға үйрету маңызды. Екіншіден, ол атап өткендей, бюджеттік шектеулерге, болып жатқан экономикалық дағдарыстарға қарамастан, МСАК-ты қаржыландыруды ұлғайту маңызды.
Панельдік пікірталас барысында ДДҰ Еуропалық өңірлік офисінің директоры, доктор Ханс Клюге осы кезеңде медициналық алғашқы көмекті дамыту үшін күш-жігерді шоғырландыру қажет екендігіне сенім білдірді, «біртұтас коалицияға, тіпті теріс көзқарастағы адамдардың барынша көп санын жинау керек, өйткені олар қандай да бір шешімдерді әзірлеу және жалпы осы саланы дамыту кезінде олардың пікірлері ескерілмейді деп санайтынын» айтты.