Skip to content
Главная страница » ҚАСЫМ-ЖОМАРТ ТОҚАЕВ АРАЛАС ЖЕКПЕ-ЖЕК ШЕБЕРІ ШАВКАТ РАХМАНОВТЫ ҚАБЫЛДАДЫ

ҚАСЫМ-ЖОМАРТ ТОҚАЕВ АРАЛАС ЖЕКПЕ-ЖЕК ШЕБЕРІ ШАВКАТ РАХМАНОВТЫ ҚАБЫЛДАДЫ

     Мемлекет басшысы аралас жекпе-жек шебері Шавкат Рахмоновты қабылдады, деп хабарлайды Sanur.kz Ақорданың ресми сайтына сілтеме жасап.

      Президент даңқты спортшыны таяуда Лас-Вегас қаласында өткен UFC турнирінде жеңіске жетуімен құттықтады.

        Қасым-Жомарт Тоқаев Шавкат Рахмонов секілді мықты атлеттердің жеңіске деген ерік-жігері мен жетістігі өскелең ұрпақты жігерлендіретінін, салауатты өмір салтын ұстануға ынталандыратынын айтты.

    Сонымен қатар Президент спортшының алдағы уақытта биік белестерді бағындыра беруіне тілектестік білдірді.

     Өз кезегінде Шавкат Рахмонов арнайы қабылдағаны үшін Қасым-Жомарт Тоқаевқа алғыс айтты. Сондай-ақ ол жанкүйерлердің үмітін ақтап, еліміздің мерейін асқақтата беретінін жеткізді.

   Айта кетейік, осыған дейін Президент Қасым-Жомарт Тоқаев Шавкат Рахмоновты қабылдайтынын айтқан еді.

     «Таяу арада сені қабылдаймын. Жарайсың! Сені мақтан тұтамыз!» – деді Қ. Тоқаев спортшыға.

 

Пікір үстеу

Э-пошта мекенжайыңыз жарияланбайды. Міндетті өрістер * таңбаланған