Әл-Фараби атындағы ҚазҰУ-дың медицина және денсаулық сақтау факультетінің 4 курс студенті Нұрдәулет Жұмағали 200 метрге кешенді жүзуде алтын медаль жеңіп алды. Бұл туралы Sanur.kz ақпарат агенттігі хабарлайды.
Ол сондай-ақ IV Азия Паралимпиадасында өткен жарыстарда 100 метрге брасспен жүзуден бірінші келіп, алтын медалді қанжығасына байлады.
Спортшылар арасындағы жарыстар Ханчжоу қаласында өтті. Нұрдәулет жапондық және өзбекстандық қарсыластарынан басым түсіп, 200 метр қашықтықты 2:16.74 уақытта еңсерді.
ҚазҰУ студенті Азия параойындарында жаңа рекорд орнатты.
Паралимпиадада жалпы есепте Нұрдәулет Жұмағали команданың қоржынына екі алтын медаль жеңіп алды.