Қылмыстық топтың басым бөлігі — дәрігерлер. Олар жаңа туған сәбилерге жалған диагноз қойып, жұқпалы вирус егіп, жансақтау бөліміне жатқызып отырған. Осылайша, мемлекеттік медициналық сақтандыру бойынша қомақты қаржы бөлдірткен. Онымен қоймай, ата-аналардан да ақша алған, деп хабарлайды Sanur.kz тілшісі
Бүгінге дейін бұл қылмыскерлердің қолынан 20 нәрестенің өлгені анықталды. Тағы ондаған сәби мүгедек болып қалған. «Нәрестелер ісі» деген атпен тергеліп жатқан қылмыстық іс бойынша 10 жекеменшік аурухана жабылды. Қылмысқа қатысы барлар 10 жылдан бастап өмір бойы бас бостандығынан айырылуы мүмкін