Skip to content
Главная страница » ЕГДЕ ЖАСТАҒЫ АЗАМАТҚА ЖАҢА ҚҰЖАТ ТАБЫСТАЛДЫ

ЕГДЕ ЖАСТАҒЫ АЗАМАТҚА ЖАҢА ҚҰЖАТ ТАБЫСТАЛДЫ

  Кеңестік құжатпен жүрген егде жастағы азаматқа жаңа құжат табысталды, деп хабарлайды Sanur.kz.

   Жетісай аудандық полиция бөлімінің көші-қон қызметіне жергілікті тұрғын келіп, қазақстандық құжат алу үшін көмек беруін сұрайды. Яғни 1959 жылы туған ер адамның айтуынша, ол 1974 жылғы КСРО құжатын жоғалтып алып, содан мүлдем құжатсыз қалған. Арадан жылдар өтіп, зейнет жасына жеткен сәтте құжатын рәсімдеуге өтініш білдірген. Осы ақпарат бойынша полицейлер бірден іске кірісті. Бірінші кезекте тұрғынның кеңестік төлқұжатының түбірін анықтап, одан әрі азаматтың құжатын заңдастыру жұмыстарын жүргізді.

  Аталған азаматтың арнайы өтініші бойынша басқа да заңды мекемелермен байланыс жасады. Нәтижесінде полиция қызметкерлері көп кешіктірмей Т.Төрехановтың Қазақстан Республикасының азаматы екенін растайтын жеке куәлігін дайындап, қолына табыстады. Ұзақ уақыт бойы өзінің жеке басын растайтын құжатсыз жүрген Тойлыбек Төреханов, оны тез арада рәсімдеп берген жетісайлық көші-қон қызметінің полицейлеріне алғысын жаудырып, ризашылығын білдірді.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған