Skip to content
Главная страница » ЕЛОРДАДА НАУРЫЗ МЕРЕКЕСІНЕ ОРАЙ ИННОВАЦИЯЛЫҚ КИІЗ ҮЙ ТІГІЛДІ

ЕЛОРДАДА НАУРЫЗ МЕРЕКЕСІНЕ ОРАЙ ИННОВАЦИЯЛЫҚ КИІЗ ҮЙ ТІГІЛДІ

      Наурыз мерекесіне орай елордада ЭКСПО халықаралық көрме орталығының аумағында Nur Alem маңына жақын жерде көшпелі өркениет фестивалі өтті, деп хабарлайды Sanur.kz әкімдікке сілтеме жасап.

     Фестиваль алаңында этноауыл орнатылып, еліміздің түкпір-түкпірінен келген қолөнершілер өздерінің шеберлігін көрсетіп, білімін бөлісу үшін жиналды.

   Мұнда сіз қолдан жасалған бұйымдарды тамашалай аласыз, ұлттық ою-өрнектер мен кесте, кілем тоқу, киізден жасалған көне тоқыма өнері, тіпті сауыт жасау бойынша бірегей шеберлік сабақтарына қатыса аласыз.

   Фестивальдің басты ерекшелігі – жасанды интеллект көмегімен жасалған өнер, дизайн, анимация заттарын қамтитын Neo Nomad инновациялық киіз үйі тігілді.

     Сонымен қатар, ЭКСПО аумағында Шығыс жәрмеңкесі ашылды.

   Мұнда қонақтар этникалық стильдегі дизайнерлік киімдерді, сәнді және шебер жасалған зергерлік бұйымдарды, керамика, металл, былғары және жібектен жасалған әдемі бұйымдарды және ұлттық кәдесыйларды таба алады.

      Әркім өз қалауы бойынша «Наурыз базарында» тауар сатып ала алады.

     Оған іргелес ауыл шаруашылығы жәрмеңкесі бар, онда тауар өндірушілер өз өнімдерін базардағы бағадан арзан сатады.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған