Skip to content
Главная страница » ҚАЗАҚСТАНДА 4 БАЛАСЫ БАР ОТБАСЫЛАР 55 304 ТЕҢГЕ ЖӘРДЕМАҚЫ АЛАДЫ

ҚАЗАҚСТАНДА 4 БАЛАСЫ БАР ОТБАСЫЛАР 55 304 ТЕҢГЕ ЖӘРДЕМАҚЫ АЛАДЫ

    Жыл басынан бері көпбалалы отбасыларға берілетін мемлекеттік жәрдемақымен орта есеппен 538,3 мың отбасы қамьылды, оларға жалпы сомасы 101,1 млрд теңге мөлшерінде қаржы үлестірілді, деп хабарлайды Sanur.kz.

     Еңбек және халықты әлеуметтік қорғау министрлігінің мәліметінше, оның ішінде наурыз айында 544,3 мың отбасына 34,3 млрд теңге мөлшерінде жәрдемақы төленді.

      «Бұл мемлекеттік жәрдемақыға 4 және одан да көп бірге тұратын кәмелетке толмаған немесе 23 жасқа дейінгі күндізгі бөлімде оқитын студент балалары бар отбасылар табысына қарамастан үміткер бола алады.

  Төлем мөлшері бала санына қарай есептеліп төленеді. Көпбалалы отбасыларындағы:

– 4 баласы бар отбасыларға – 16,03 АЕК немесе 55 304 теңге;

– 5 балаға – 20,04 АЕК немесе 69 138 теңге;

– 6 балаға – 24,05 АЕК немесе 82 973 теңге;

– 7 балаға – 28,06 АЕК немесе 96 807 теңге;

– 8 және одан да көп баласы бар отбасыларға – әр балаға 4 АЕК немесе 13 800 теңге мөлшерінде», – деп жазды министрліктен.

     Еске салайық, көпбалалы отбасыларға олардың табысын есепке алмай берілетін мемлекеттік жәрдемақы Қазақстанда 2020 жылдың 1 қаңтарынан бастап атаулы әлеуметтік көмек көрсетудің жаңа тетіктерінде көзделген табысы аз және көпбалалы отбасыларды қолдаудың үш негізгі бағыты аясында енгізілген.

   2023 жылғы 1 қаңтардан бастап балалы отбасыларға тағайындалатын мемлекеттік жәрдемақылардың мөлшері 8,5%-ға артқанын атап өтеміз.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған