Бүгін ОКҚ алаңындағы сараптамалық брифингке қатысушылар денсаулық сақтаудың негізгі индикаторларына қол жеткізу мысалында медициналық сақтандыру жүйесінің тиімділігін арттыру шаралары және МӘМС енгізу нәтижелері туралы айтып берді, деп хабарлайды Sanur.kz.
«МӘМС жұмысының төрт жылынан кейін денсаулық сақтаудың бүкіл жүйесі әлеуетінің өсуі туралы ғана емес, сондай-ақ медициналық қызметтер нарығының бұрынғы моделінің өзгеруі туралы да айтуға болады. Қысқа уақыттың ішінде тізімде медициналық көмектің жаңа түрлері пайда болды, медицина неғұрлым технологиялық, жабдықталған, клиникалардың арасындағы бәсекелестік қарқын алуда. Адамдар өз емханаларына көбірек жүгіне бастады, тексеруден өтіп, дәрігерлерден консультация ала бастады, МӘМС-тің артықшылықтары біртіндеп байқала бастады. Өткен жылы адамдар өз емханасында 2019 жылмен салыстырғанда 3, 2 есе көп қызмет алды», – деп атап өтті Денсаулық сақтау бірінші вице-министрі Тимур Сұлтанғазиев.
Ол МӘМС шекаралары жыл сайын ақшалай түрде де, көрсетілетін медициналық қызметтер көлемінде де кеңейіп келе жатқанын атап өтті.
«Мәселен, осы кезеңде денсаулық сақтау жүйесін қаржыландыру 1,2 трлн. теңгеден 2,5 трлн.теңгеге дейін. МӘМС-тің арқасында еліміздің бір тұрғынының денсаулығын сақтауға жұмсалатын орташа шығыстар екі есе – 56 мың теңгеден 122 мың теңгеге дейін өсті. МӘМС бағдарламасы бойынша реформаның басында 1300 медициналық ұйымнан жұмыс істейтін медициналық қызмет көрсетушілердің саны қазір 2000-ға жетті, олардың ішінде жеке клиникалар екі есе көп»,-деп жалғастырды бірінші вице-министр.
МӘМС-ті қолданылу кезеңінде КДҚ-ның қолжетімділігі 7 есеге артты: дәрігерлік қабылдаулар, зертханалық талдаулар және аспаптық диагностика. 2019 жылы 200 мыңға жуық КТ және МРТ зерттеп-қарау жүргізілді, ал өткен жылы мұндай қызметтердің 1,5 миллионға жуығы, яғни 7 есе көп.
Бұдан әрі Т. Сұлтанғазиев МӘМС жүйесінің ашықтығын жақсартуға, егжей-тегжейлі сараптаманы қамтамасыз етуге, шығыстарды бақылауды күшейтуге, қызметтерді негізсіз артық тұтынудың алдын алуға мүмкіндік беретін кейбір шаралар туралы айтып берді.
Бүгінгі таңда, оның айтуынша, ТМККК және МӘМС пакеттеріндегі қызметтердің аражігін ажырату бөлігінде медициналық көмек көрсетуге кепілдік беру бағдарламасы заң жүзінде қабылданды. ТМККК және МӘМС қаржылық ағындарын бірыңғай пулға біріктіру үшін құқықтық база қамтамасыз етілді, бұл медицина қызметкерлері үшін пакеттерді әкімшілендіруді жеңілдетеді және пациенттерге медициналық көмек көрсету процесін жеделдетеді.
Сақтандырылмаған азаматтарды қамту бөлігінде отбасының цифрлық картасының деректері бойынша табыс деңгейі бойынша 1,5 миллионға жуық адамның жарналарды төлеуге мүмкіндігі бар екендігі анықталды.
«Олар МӘМС жүйесіне, оның ішінде платформалық жұмыспен қамту арқылы тартылатын болады. Алайда, елімізде дағдарыс жағдайында 1 миллионға жуық адам қалды. Олардың МӘМС жүйесіне қатысуының ықтимал тетіктері әртүрлі деңгейлерде талқыланады. Бұған әлеуметтік қолдау бағдарламалары, сыйлықақыларды субсидиялау немесе басқа шаралар кіруі мүмкін», – деп атап өтті Денсаулық сақтау бірінші вице-министрі.
«Алайда, Е-Денсаулық бірыңғай экожүйесін құру жолымен денсаулық сақтауды толық цифрландыру бүгінгі таңда ең басым міндет болып табылады. Бұл сізге жеке қаржылық есеп жүргізуге және медициналық қызметтерді тұтынушылардың виртуалды шоттарындағы ақшаны бақылауға мүмкіндік береді. Сондай-ақ, QR-кодтау, СМС – хабарламалар арқылы қызметтерді алуды растау үшін мобилдік қосымшалардағы пациенттерден кері байланысты қамтамасыз етуге мүмкіндік береді», – деп түсіндірді Тимур Сұлтанғазиев.
Ол цифрлық құралдарды енгізу медициналық ұйымдардың экономикалық блогы үшін бірыңғай терезе құруға, орындалған қызметтер үшін уақтылы ақы төлеуді, көрсетілген қызметтердің толық ашықтығын, медициналық ұйымдар тарапынан тіркеулерді алып тастауды, барлық көрсетілген медициналық қызметтер/жағдайларды мониторингпен толық қамтуды қамтамасыз етуге мүмкіндік беретінін атап өтті.