Ауа райының нашарлауына байланысты Қазақстанның 12 өңірінде оқушылар онлайн оқу форматына ауысты. Еліміздің бірқатар аймағында дауылды ескерту жарияланып, сақтық шаралары бойынша хабарламалар тарқатылды.
Ақтөбе облысында 10-11 қаңтарда 0-11 сынып оқушылары онлайн оқиды.
Абай облысының Семей қаласында бейсенбі күні бірінші ауысымдағы 1-11 сынып оқушылары мен колледждердің барлық курс студенттері үшін сабақ қашықтан өткізіледі.
Шығыс Қазақстан облысының Глубокое ауданында 0-11 сыныптар, Күршім ауданында 0-9 сыныптар, Ақмола облысының Көкшетау қаласында және Батыс Қазақстан облысының Орал қаласында бірінші ауысымдағы 1-11 сынып оқушылары мектепке бармайды.
Ұлытау облысында бірінші ауысымдағы 0-4 сыныптар, сондай-ақ Қарағанды қаласында 0-9 сынып оқушылары үйден білім алады.
Солтүстік Қазақстан, Қостанай, Павлодар және Атырау облыстарында да 0-11 сынып оқушылары сабаққа бармайды.
Сондай-ақ, Жетісай ауданында бүгін күннің күр суып кетуіне байланысты бірқатар мектептерде сабақтар онлайн форматқа ауысты.