Skip to content
Главная страница » ТҮРІКТІҢ ТҰҢҒЫШ ЭЛЕКТР КӨЛІГІН БІРІНШІ БОЛЫП ЕЛ БАСШЫСЫ ЕРДОҒАН ИЕЛЕНДІ

ТҮРІКТІҢ ТҰҢҒЫШ ЭЛЕКТР КӨЛІГІН БІРІНШІ БОЛЫП ЕЛ БАСШЫСЫ ЕРДОҒАН ИЕЛЕНДІ

     Түркияда жасалған Togg T10X электрокарын алғашқы болып Түркия президенті Режеп Тайып Ердоған иеленді, деп хабарлайды Sanur.kz Анадолы агенттігіне сілтеме жасап.

    Түркияда жасалған Togg T10X электрокарын алғашқы болып Түркия президенті Режеп Тайып Ердоған иеленді.

      Автомобиль кілтін табыстау салтанаты Анкарадағы Президент кешенінде өтті.

    «Бүгіннен соң жолдарымыздан Togg-ты көзіміз шала бастайды», – деді салтанатты шарада түрік басшысы.

      Мемлекет басшысының айтуынша, Togg тұңғыш электромобилін әзірлеу мен оны құрастыру, сондай-ақ оның бүгінгідей деңгейге жетуі елдің технологиялық және экономикалық дамуын, әлемдік сахнадағы беделін айқындайды.

    Президент Ердоған Togg-тың тек Түркияда ғана емес, жалпы бүкіл әлемнің автомобильсүйер қауымына танымал болатындығына сенім білдірді.

     Іс-шараға Түркия президентінің жұбайы Әмина Ердоған да қатысты.

   Түркияда жасалған Togg T10X тұңғыш электомобилінің алғашқы сериялық моделін сатып алуға өтінім қабылдана бастағалы 177 467 алдын ала тапсырыс түскен.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған